परीक्षेच्या वेळी विद्यार्थ्यांनी स्कूल बॅगा जवळ ठेवू नयेत, असा शाळांचा लिखित आणि अलिखित नियम आहे. जवळच कशाला- परीक्षेच्या खोलीत/ वर्गात सुद्धा ठेवू नयेत. वर्गाच्या बाहेर ठेवाव्यात.काही शाळांच्या व बोर्डाच्या परीक्षांत तर शाळेच्या इमारतीच्या बाहेर मैदानात ठेवाव्या... असे संकेत आहेत. मध्यंतरी विद्यार्थी बुटात, पायमोज्यात कॉप्या आणतात... असा शोध लागल्याने पायमोजे व बूट वर्गाच्या बाहेर काढावेत असा फतवा जारी झाला.त्यानंतर विद्यार्थी शर्ट- पॅन्ट इत्यादीमध्ये आतल्या बाजूने कॉप्या लपवतात… असे रहस्य उघडकीस आले. पण त्यावर असला कोणताही फतवा जाहीर झाला नाही!